CEBU CITY-Gikalipay ni Cebu City Councilor Jun Alcover ang gipirmahan ni Cebu City Mayor Michael Rama Executive Order (EO) No. 8, nga giulohan og An Order Creating the Cebu City Habal-Habal Drivers’ Coordinating Office, o ang CCHCO nga pag-supervise ug pag-regulate sa habal-habal (motorcycle-for-hire) operations.
Sulod sa EO ang paghimo og database sa tanang habal-habal drivers sa dakbayan, paghimo og koneksyon sa nagkalain-laing asosasyon sa mga habal-habal drivers, ug pagpahigayon ug pagsuporta sa barangay o grassroots habal-habal associations.
Ang CCHCO gitahasan usab sa pagpahigayon ug awareness seminars ug information campaign kalabot sa road safety, ug katungod ug obligasyon sa mga habal-habal drivers.
Gitatataw ni Alcover nga dako kining tabang sa mga driver kay gumikan aduna na silay opisina nga kaduolan ug tumong sa maong EO nga maunipormihan ang mga driver, mapatuman ang taripa alang sa hiniusang pletihan, I.D isip pagpamatuod nga rehistrado ug ingun man ang pagsunod sa rules ang regulations.
