Gikabutyag ni Commodore Jay Tarriela ang Spokesperson for the West Philippine Sea nga ubay-ubay sa legal luminaries sa nasud sama ni Retired Senior Associate Justice Antonio T. Carpio, ug uban pang banggiitan nga magbabaload ang nisuwakhi sa pagtugot nga i-surrender ang Kalaayan Group of Islands.
Subay niini, ekslusibong gikab-ot sa Bombo Radyo Cebu Newsteam ang habig ni Commodore Tarriela nunot sa banat ni Senador Rodante Marcoleta nga buot niyang isurrender kini sa nasud nga China ang Kalayaan Group of Islands.
Sa pamahayag ni Commodore Tarriela buot niyang motubag kabahin niini nga hisgutanan apan dili sa legal nga parte kabahin niini, kondili kabahin na sa paglaom sa giingong gawas kini exclusive economic zone kay adunay komunidad dinhi nga gilangkoban sa kapin 400 ka mga Filipino—mga bata nga nagtungha, hinungdan nga lisud ibutyag nga i-surrender kini kay gawas na sa exclusive economic zone, kay makonsiderar kini sa pagpanghatag nalang sa kaugmaon sa mga Filipino sa nasud.
Samtang, gitataw ni Commodore Tarriela nga nakahimamat siya og ‘mixed emotions’ kabahin na sa na mga banat nila ni Sen. Marcoleta sa Senado ug anak niini nga anaa sa House of Representatives, diin iyang gihimug-atan nga nibati siya og kasuko, ug kaguol tungod kay alang kaniya, adunay mga indibidwal sama nila ni Senador ug Krongresman Marcoleta nga ‘murag’ ang gi-advocate nila kay ang interes sa nasud nga China.
Apan, wala usab niya gisalikway nga gawas sa kaguol ug kasuko, nibati usab siya og kalipay gumikan kay nakamugna ug nag-awhag kini og liboan ka mga Filipino nga nanalipod sa soberanya sa nasud.
