Gihulagway sa mga awtoridad sa Germany isip usa ka teroristang pag-atake ang insidente nga nahitabo atol sa kalihokan sa Pride sa Berlin, nga giingong may kalabotan sa Islamist extremism.
Nahitabo ang insidente duol sa lugar diin gihimo ang Christopher Street Day, usa sa pinakadakong kalihokan sa LGBTQ Pride sa Europa.
Usa ka tawo ang namatay ug 30 ang nasamdan human ang usa ka puti nga minivan midasmag sa mga tawo sa Tiergarten Park, duol sa Brandenburg Gate sa Berlin, niadtong Sabado sa gabii.
Sa mga nasamdan, walo ang anaa sa grabe nga kondisyon, samtang tulo ang anaa sa kritikal nga kahimtang.
Nailhan ang suspek nga si Abdul B. anaa sa Germany nga lumad sa Lebanon.
Sumala sa mga imbestigador, bag-o lang siyang gibuhian gikan sa juvenile detention o anaa sa duha ka bulan sa wala pa ang insidente.
Giingon usab nga gimonitor siya sa domestic intelligence tungod sa giingong koneksyon niya sa grupong Islamic State.
Matod sa pulisya sa Berlin, padayon pa ang ilang pagpangita sa suspek ug ilang gipasidan-an ang publiko nga dili moduol kaniya tungod kay posible siyang armado ug delikado.
Nagpadayon usab ang imbestigasyon aron mahibal-an kung nag-inusara ba ang suspek o adunay mga kauban.
Sumala sa pulisya, adunay posibilidad nga labaw sa usa ka tawo ang mikanaog gikan sa sakyanan atol sa insidente.
Samtang nagpadayon ang imbestigasyon, gipasalig sa gobyerno sa Germany nga papanubagon ang mga responsable sa maong pag-atake.
Gihisgutan usab sa mga opisyal ang pipila ka mga isyu nga may kalabotan sa mga polisiya sa imigrasyon.
