Gipasar sa unang pagbasa ang resolusyon nga maghatag ug financial assistance sa mga nabiktima sa 6.9 magnitude nga pagtay-og sa yuta niadtong Septiyembre 30, 2025.
Gibutyag ni Mandaue City Councilor Joel Seno, nga plano sa lokal nga kagamhanan sa dakbayan sa Mandaue, nga mahatagan tag P1-Million ang dakbayan sa Bogo, lungsod sa Medellin, San Remigio, Borbon, Tabogon, Sogod ug Daanbantayan.
Sigon usab sa opisyal nga ang maong hinabang pinansiyal gikuha sa panudlanan sa PAGCOR ug gibase ang mga listahan sa mga matagaan gikan sa Department of Interior and Local Government
Matud usab ni Mandaue City Mayor Jonkie Ouano, nga gibase ang pagpanghatag ug financial assistance ngadto sa situational report gikan sa kagamhanan sa probinsiya.
Gilaoman usab niini nga mahatag na ang checke sa maong financial assistance karong semanaha sa matag lungsod aron nga makapalit sila sa ilang panginahanglanon susama sa mga construction materials aron katukoran sa temporaryong panimalay.
Gipahibalo usab sa mayor, kung aduna may gusto pang mo tunol ug relief packs mamahimo rang mo lahus sa City Social Welfare and Services aron mahatud didto sa Norte.
