Cebu City- ‘Paghigugma’ ang angayang magpasulabi karong semana santa. Kini ang pamahayag ni Cebu Archbishop Jose Palma subay sa mensahe sa Santo Papa nga basi sa usa ka bible verse nga nag-ingong “Because of the increase of iniquity, the love of many will grow cold” (Mt 24: 12).
Ang kahulugan matud pa niini mao nga sa kasamtangan nagkadaghan o nagkagrabe karon ang kadaot sa kalibutan kung diin nag-anam anam na usab og kabugnaw ang mga kasing-kasing sa tao. Boot pasabot nagkawala na ang paghigugma sa matag tao.
Hayan ang repleksyon sa Arsobispo sa maong mensahe nga dili angayang mawala ang pagtoo sa tao sa Diyos ug kung gugma man ang magpasulabi sa matag usa walay makapukan nga bisan unsa paman nga kadaot ang muabot sa kalibutan.
Gihimug-atan usab ni Fr. Aladdin Luzon sa Order of Sain Agustine (OSA) ang 3 ka elemento nga giingong sa santo papa karong kwarisma. Kini mao ang ‘prayer, alms giving ug fasting’. Matud ni Fr. Luzon nga gipahinumduman ang tanan nga dili lamang sa panahon sa problema kundi hasta na usab sa tanang higayon. Angayan usab nga mahinumduman ang ti-unay nga bili sa pag-ampo.
Angayan usab nga tagaad og pagtagad ang mga kabos ug magpaambit sa kung unsay naa. Kini tungod kay sama sa uban, ang kabos anaa gihapon kanila ang diyos.
Gihimugt-atan usab ni Fr. Luzon ang elemento na ‘fasting” tungod kay mao kini ang nagpahinumdom sa tanan nga pwede raman nga mabuhi sa kalibutan kung wala ang mga naandan.
Samtang giingong ni Fr. Roberto Ebisa ang chairman sa Kapisanan ng mga Brodkaster ng Pilipinas (KBP) Cebu nga aduna usab importanteng papel ang mga magsisibya sa panahon sa kwarisma.
Sigon niini nga angayan nga magikan mismo sa mga magsisibya ang pagkaresponsable aron nga ilang mabuhat ang ilang trabaho sa tarong nga pamaagi.
