Gibutyag ni Cebu City Councilor Dave Tumulak nga wala pa hingpit mapatuman ang resolusyon nga iyang gipasaka sa Cebu City Council alang sa pagkabaton og Professional Project Consultant sa padayung pagpatrabaho sa Cebu City Medical Center.
Matud niini nga ang maong resolusyon, sugyot kadto ni Cebu City Mayor Nestor Archival, nga nagtumong sa paghatag og pagtagad sa mismong tambalanan nga hangtud karon wala pa mahuman.
Tumong sa maong resolusyon nga gipasaka, aron adunay independente nga grupo nga mosusi, mo follow-up sa mga contractors nga nahuman sa trabaho ug wala pa nahuman.
Gihimug-atan ni Konsehal Tumulak, nga mas maayu nga ang mga pribadong mga indibidwal o grupo ang mosusi sa mismong pagpatrabaho sa CCMC gumikan kay sobra na sa dekada kining gitukod niadto pang tuig 2015 ug hangtud karon wala pa gihapon kini mahuman.
Dugang niini nga taliwala nga anaa siya sa kagamhanan, sayud siya sa kalangay sa pagpahuman sa mismong tambalanan gumikan kay bisag kinsa nalang ang nilingkod nga mayor apan hangtud karon wala pa gihapoy nakitang maayung resulta.
Hinungdan nga bout niini nga magdesignate ug independent group ang kagamhanan sa Dakbayan aron maoy mo giya ug mo implementar sa tukma nga mga lakang.
