CEBU – Nagmugna ug grabing kabalaka ang pagkahulpa sa kalsada sa Das ABSA Brgy. Lutopan, Toledo City nga nahimong rason nganong kinahanglan sila nga mo evacuate.
Saysay pa ni John Castanios/Residente sa maong dapit ug usa ka manindahay ug isda,nga gawas sa nakamugna kini ug kabalaka kanila,nakahasul usab ni sa ilang panginahubian.
Nanawagan kini sa kagamhanan nga unta ma aksyonan dayun ang maong kadaot sa kadalanan sa ilang lugar.
Samtang sa pikas kabahin nipahibalo ang Department of Public Works and Highways sa Central Visayas (DPWH-7), nga ang mga motorista temporaryong gidid-an sa pag-agi sa dalan subay sa Cebu-Toledo Wharf Road (junction Naga-Uling Road) sa Barangay Don Andres Soriano (DAS) sa Toledo City, Cebu.
Kini aron malikayan ang disgrasya human nahugno ang usa ka bahin sa karsada sa maong dapit, sumala sa DPWH-7.
Sa pagsulat niining balitaa,kasamtangang gi-cordon na sa mga otoridad ang apektadong bahin sa karsada.
