Giimbestigahan sa mga awtoridad ang kamatayon sa magduduwa sa Memphis Grizzles nga si Brandon Clarke.
Base sa inisyal nga mga report, ang 29-anyos nga lalaki nakit-ang patay sa iyang balay, ug gikataho nga nakakita ang mga awtoridad og daghang mga gamit sa droga.
Gihulat usab sa mga awtoridad ang resulta sa autopsy aron mahibal-an ang hinungdan sa kamatayon sa magduduwa sa Grizzles.
Sa miaging bulan, gidakop siya sa mga awtoridad tungod sa speeding ug paghupot og usa ka kontroladong substansiya sa Arkansas.
Miapil siya sa NBA niadtong 2019 ug mao ang ika-21 nga overall pick sa Oklahoma City Thunder, pagkahuman niini gi-trade dayon siya sa Memphis.
Nagdula siya sulod sa pito ka season sa NBA, nga adunay average nga 10.2 puntos, 5.5 rebounds ug 1.3 assists.
