CEBU CITY – Giangkon ni Atty. Arvin Udron, regional director sa Commission on Human Rights 7, nga nakalitan sila sa pagdawat ni Vice President Leni Robredo sa posisyon isip drug czar bisan pa man sa wala’g tuo nga pahimangno sa mga kapartido niini.
Matud ni Atty. Udron nga sumala pa sa pipila nga basin ug usa kini ka ‘political trap’ apan giingung gikinahanglan na lang nga mag-move on ang tanan ug suportaran ang bise presidente sa desisyon sa opisyal.
Bisan pa man niini, gitataw ni Udron nga gi-welcome nila ang desisyon ni Robredo nga ilakip ang CHR sa monitoring sa anti-drug campaign sa gobyerno.
Sigon pa nga mas maayo kini arun nga makarekomendar usab sila sa maayo nga mga aksyon alang sa maong kampanya nga pinasubay sa human rights isip miyembro sa United Nations nga nag-ingun nga kinahanglang sundon sa estado ang tawhanong katungod.
Gipasalamatan niini ang bise presidente nga gikunsidirar usab ang ilahang ahensya.
Sa gihapon nagpabilin ang baruganan sa CHR sa kampanya batok iligal nga drogas kung diin kinahanglan nga i-obserbar ang ‘due process’, tahuron ang tawhanong katungod ug sundon sa kanunay ang ‘rule of law’.
