CEBU-Gipasabot ni Quennie Bronce, ang tigpamaba sa Visayan Electric nga ang pagkunhod sa presyo sa kuryente sa Metro Cebu og P2.43 matag kwh sa billing sa buwan sa Hunyo ug Hulyo karong tuiga tungod sa .
Sa pakighinabi sa Bombo Radyo Cebu gipadayag ni Bronce nga gilauman nga adunay pagsaka sa presyo sa kuryente matag kwh sa buwan sa Hunyo ug Hulyo apan, tungod sa giluwat nga kamandoan sa Energy Regulatory Commission.
Kini nga kamandoan nagpatuman sa upat ka buwan nga anam-anam nga pagbayad sa power purchases nga gihimo sa power utilities gikan sa Wholesale Electricity Spot Market.
Diin nagpasabot kini nga makatigom ang usa ka konsumidor kon ang binuwan nga konsumo niini sa kuryente moabot og 200 kwh.
Kung mahinumduman nga gipublikar sa Visayan Electric Company ang umento sa singil sa kuryente sa miaging buwan ug gibanabana nga mosaka karong buwana tungod sa pagsaka sa generation rates ug presyo sa WESM niadtong Abril tungod sa kabalaka nga ang supply sa kuryente sa Visayas Grid kay mokunhod.
Tungod niini, naapektuhan ang mga konsumidor sa residential area sa pagsaka sa bayranan sa kuryente sa miaging buwan.
Sa pikas bahin, gipaambit usab niini nga nakig-alayon ang buhatan sa VECO ngadto sa Cebu City Government alang sa umaabot nga Palarong Pambansa 2024 arun masiguro nga dili mapalya ang kalihokan atol sa maong event.
