CEBU – Wala ra’y epekto alang sa usa ka construction worker ang pipila ka mga pagkunhod o rollback sa presyo sa mga produktong petrolyo.
Gihimug-atan ni Elmer Eram, nga aduna may rollback apan ginagmay lang itandi sa pagsaka nga giingong hilabihan usab ka dako, hayan apektado gayud ang iyahang budget isip trabahante ug pamilyado.
Matud pa, ang sweldo talagsa lang pasakaan apan palaliton karun hilabihan na ka mahal gumikan sa taas usab nga presyo sa lana.
Sigon ni Eram nga kung sumadahon, dako gayud ang makuha sa iyahang sweldo sa pagpatubil lang sa iyahang service nga motor.
Subay niini, nanghinaut kini sa musunod nga administrasyon sa Pilipinas nga lantawon ang mga pamaagi nga makunhoran ang presyo sa lana, diin iyahang gituohan nga dako nang ikatabang sa katawhan.
