Posibleng mosaka pa ang ihap sa mga nangamatay sa 7.7 magnitude nga linog nga miigo sa Myanmar ug bisan sa silingang Thailand.
Kini tungod sa kadaghan sa mga tawo nga gipangita pa sa mga search and rescue team gikan sa mga nahugno nga mga edipisyo tungod sa kusog nga linog ug aftershocks.
Anaa na sa kapin 2, 700 na ka mga tawo ang kompirmadong patay samtang anaa sa 4,521 ang naangol, ug kapin sa 440 nga gikataho nga missing.
Ug gumikan sa nagkadaghang mga nangaangol, ang mga patayng lawas nga nagtapok sa usa ka dapit kay nakahatag og hulga sa panglawas hinungdan nga gisugdan na nila pagdala sa Sagaing cemetery.
Diin sa matag lubnganan kay napulo ka mga lawas ang ibutang aron lang kini malubong tungod kay walay igong luna ug ang uban dad-on sa crematorium.
