CEBU – Gitutokan karon ni Negros Oriental Govenor Pryde Henry Teves ang pagpalambo sa Early Childhood Development Program sa lalawigan pinaagi sa paghangop sa Montessori learning system nga pamaagi sa pagtudlo sa mga tinun-an sa daycare.
Matod ni Capitol information officer-designate Oliver Lemence, aduna nay pipila ka mga dapit nga napili ang gobernador alang sa pagpatuman sa maong programa kauban ang mga local chief executives.
Nalakip sa inisyal nga lista mao ang Bais City, Sibulan, Valencia, ug Zamboanguita diin kopyahon ang ‘best practice’ nga pamaagi sa daycare program sa Montessori learning sa Bayawan City.
Kahinumdoman nga samtang si Teves pa ang mayor sa Bayawan City, gipaubos ang mga magtutudlo sa Montessori style training aron mas mahimong hanas na ang mga bata sa pagtungtong niini.
