Cebu City- Gikaguol ni Barangay Calamba Kapitan Ma. Yvonne Feliciano ang nahitabong hulga sa hinabuhi sa iyang ka-partido nga si Barangay Councilor Richard Buscaino.
Kini human nga girakrakan sa wala pa mailhi nga suspek ang sakyanan niini gahapon sa kadlawn sa dakbayan sa Sugbo.
Una na nga matud pa adunay nahitabong pagpangulata sa mga tawo sa maong konsehal ngadto sa mga miyembro sa fraternity nga Tau Gamma nga anaa sa Barangay Duljo. Butang nga gituohan ni Feliciano nga usa ka resbak ang nahitabo ni Konsehal Buscaino.
Dugang pa niini nga kaduha na kahigayun nga nahitabo ang susama nga hulga sa kinabuhi sa maong konsehal. Gibutyag pa ni Feliciano nga maayo ra nga tawo ang iyang matud pa amego nga konsehal ug dugay na kini nga miyembro sa Alpha Kappa Rho.
Subay niini, nagkanayon si Feliciano nga kanunay silang nagpahigayun sa ilang programa nga “Tokhang” isip pakigbatok sa iligal nga drogas sa ilang dapit. Hinungdan nga matud niini minus na gayud ang mga dorogista ug kung anaa man gani mga dayo na kini.
