CEBU CITY-Gidayeg ni Cebu Archbishop Jose Palma si Pope Francis human nga kini ang labing una nga nangulo sa ‘Aguinaldo Mass’ alang sa mga Pilipino sa St. Peter’s Basilica sa Vatican sa unang adlaw sa Misa de Gallo.
Matud ni Palma nga usa kini ka ‘akcnowledgement’ kun pagtamod sa tradisyon sa mga Pilipino.Dason pa sa arsobispo nga nakita matud pa sa santo papa ang kaanindot sa tradisyon sa mga Pilipino.
Subay niini, mipaabot og mensahe ang arsobispo sa katawhan ilabina ang Sugbuanon kung diin nagpasalamat kini sa sakripisyo nga gigahin sa mga manimbahay sanglit dili usab lalim ang mumata og sayo.
Hangyo ni Palma nga tagamtamon ang kining maong oportunidad aron mapakita dili lamang sa kalibutan inay sa Ginoo ang hugot nga pagtoo sa katawhan.
Sa laing bahin, gitataw usab ni Palma nga sa Carbon Public Market siya nagpahigayon sa misa gumikan kay importanteng kabahin kini sa komunidad ug nakita matud pa niya ang hugot nga pagtoo sa mga anaa sa Carbon Public Market.
