CEBU CITY — Usa sa mga epektibong pamaagi aron kalikayan ang pagkatakod sa COVID-19 mao ang pagmentenar sa kahinlo sa nataran.
Hinungdan nga adunay gipatumang ordinansa ang lokal nga pangagamhanan sa San Juan City ang pagdili sa pagpangluwa, pagpanikma, pagpangihi, ug pagsuka sa publikong lugar.
Gipasabot ni San Juan Mayor Francis Zamora nga matakdan ang usa ka tawo sa COVID-19 pinaagi sa body fluids sa mga na-infect niini.
Dugang pa niini nga panahon na aron bag-uhon ang batasan sa pagkahugawan ning panahon sa pandemya.
Kung kinsa man ang masakpang makalapas sa maong ordinansa, pahamtangan kini og multa nga mokabat og P500 ngadto na sa P5,000 ug motambong sa usa ka seminar.
Nitambag ang mayor ngadto sa publiko nga tabunan ang baba kung ubhon o hatsingon ug mogamit og face mask kung mogawas man sa panimalay.
Aron masiguro ang striktong pagpatuman niini, adunay naka-deploy nga mga personnel sa gawas ug adunay gisul-ob nga body camera. /GN
