CEBU – Dili mahimo nga ang tingog lang sa mga drayber ang paminawon sa Land Transportation and Franchising Regulatory Board (LTFRB) sa pagpasaka sa pletehan.
Kini ang gibutyag ni LTFRB 7 Regional Director Eduardo Montealto, Jr., subay sa hisgutanan nga P60 nga flagdown rate sa mga taxi.
Hinuon, gipahibalo niini nga wala pa may miduso ug petisyon sa ilahang buhatan kalabot na sa maong kagustohan, hayan bugtong P5 lang nga increase ang ipatuman sugod karung Oktubre 3.
Matud pa, ang maong pagsaka sa flagdown rate kay basi usab sa pagtimbang-timbang sa LTFRB kauban ang mga hingtungdan nga ahensya ug mitumaw nga P5 lang ang mahimo nga increase niini.
Gipasabot usab ni Montealto nga ang P5 kay puno sa kinatibuk-ang pletehan sa pasahero ug dili kini sa mga ‘succeeding’ nga kilometro.
