Gisugdan na ang pagproseso alang sa pagpauli sa mga patayng lawas sa 3 ka Overseas Filipino workers (OFWs) nga namatay sa sunog sa usa ka building sa Kuwait.
Matod ni Overseas Workers Welfare Administration (OWWA) Administrator Arnel Ignacio, responsive sila sa mga panginahanglanon sa mga Pinoy nga apektado sa insidente.
Kahinumduman nga ang unang gikumpirma ni Department of Migrant Workers Sec. Hans Leo Cacdac nga 3 ka OFWs ang namatay sa inhalation sa aso sa sunog.
Ang 3 ka biktima kabahin sa 11 ka OFW nga nagtrabaho sa samang Kuwaiti construction company nga nagpuyo sa nasunog nga building.
2 pa ka OFW ang nagpabilin sa kritikal ang kahimtang samtang ang nahabilin nga 6 luwas ug wala maunsa sa insidente.
Nagpadayon gihapon ang imbestigasyon sa hinungdan sa sunog nga mikalas sa 49 ka mga tawo.
