Gidayeg ni Atty. Carlo Ybanez, usa ka rockstar lawyer ang pagpangulo ni Senator Judge Chiz Escudero sa nakalabay nga unang 3 ka adlaw sa gipahigayon nga Impeachment trial batok kang Vice President Sara Duterte.
Matud ni Ybanez, nga taliwala sa mga isyu nga gipangbato batok kang Escudero, hilabi na sa pagdala niini isip Senate President sa nakalabayng Kongreso, matud pa maayu ang pagkadala ni Escudero isip Presiding Officer gumikan kay nasayud gayud kini sa mga lakang nga iyang gipatuman.
Positibo usab ang obserbasyon niini ngadto sa prosecution panel gumikan sa pagka-han-ay sa mismong mga argumento ug presentasyon, apan nakulangan kini sa bahin sa depensa hilabi na atoll sa cross-examination.
Gihimug-atan ni Atty. Ybanez nga anaa sa prosekyusyon ang “burden of proof” hinungdan nga kinahanglan nga detalyado ang pagpresentar ug ang pagsusi sa mga ebidensya, susama sa ilang gibuhat sa nakalabayng pagdungog.
Sigon niini nga nindut ang strategy nga gipakita sa prosekyusyon sa unang bahin pa lang sa Impeachment trial gumikan kay gipili niini ang bug-at nga pasangil sa Articles of Impeachment diin ang pagpanghulga sa Vice President ngadto sa Presidente Ferdinand Marcos Jr. nga ipapatay kung adunay mahitabo kaniya.
Nakadugang usab sa bug-at nga presentasyon sa prosekyusyon mao ang pagpili ni NBI Agent John Mark Calilung, isip expert witness sa unang hugna palang sa pagdungog.
Samtang, wala usab makakita ug maayung resulta ang mismong abogado sa cross examination nga gipahigayon sa depensa gumikan kay wala niini nakab-ot ang tumong sa pagbungkag sa testimonya sa witness, inay nagpresentar kini og mga dokumento ug nagpokus sa technicalities.
