CEBU CITY-Gikakugang ni Magdalo party-list Representative Congressman Gary Alejano ang paghulip ni Rep. Gloria Macapagal Arroyo ni Pantaleon Alvarez isip, house speaker.
Kini tungod kay gi-atol man matud pa sa SONA ni Presidente Duterte.Hinoon, bisan paman ug duna nay huhungihong nga si Arroyo ang mamahimong bago nga house speaker wala niini damha nga diha diha dayon kini mahitabo.
Gihulagway pa sa Congressman nga susama nga wala nay respeto sa SONA sa presidente nga unta pwede man kini mahimo sa sunod nga adlaw.
Gikwestyon pa usab kini ni Alejano kung intentional ba ang nahitabo sanglit nadelay usab ang SONA, suma pa nga susamang gidivert ang atensyon ngadto ni Arroyo kay wala na matud pay laing masulti ang presidente sa iyang SONA.
Kini tungod usab kay mubo lang ang iyang speech ug matud ni Alejano wala kaayoy gihisgutan ang presidente.
Nabantayan usab ni Alejano nga luya ang presidente sa iyang SONA kung diin susama nga duna kini gihambin nga sakit.
