Nasagmuyo ang Brazil sa pagtratar sa Estados Unidos sa mga ilegal nga imigrante, ilabi na ang mga Brazilian nga gipapahawa ug gibalik sa Brazil, lakip usba ang mga bata, nga gikataho nga giposasan.
Gisaway sa mga awtoridad ang pagtratar nga gihatag kanila ug gitawag kini nga “klaro nga paglapas” sa mga katungod sa ilang mga lungsuranon.
Ang insidente nahitabo human ang Latin America nag-atubang sa usa ka bag-ong hulga sa pagbalik sa Presidente sa US nga si Donald Trump sa White House, nga adunay usa ka estrikto nga palisiya mahitungod sa mass deportations alang sa mga ilegal nga imigrante sa US.
Hinungdan nga mipahayag og pagsupak si Brazil Justice Minister Ricardo Lewandowski ug ang Presidente sa Brazil nga si Luiz Inácio Lula da Silva tungod sa paglapas sa sukaranang mga katungod sa mga Brazilian.
Apan ang US nag-ingon nga ang mga deportasyon walay kalabotan sa bag-ong executive order ni Trump apan resulta lang sa bilateral nga kasabutan tali sa US ug Brazil niadtong 2017.
Sumala sa usa ka taho sa Brazilian federal police, adunay 88 ka Brazilian ang sakay sa eroplano, apan ang taho sa gobyerno sa estado sa Amazonas, diin nahimutang ang Manaus, nag-ingon nga adunay 79 ka mga pasahero sa eroplano, 62 niini mga lalaki ug 11 mga babaye ug 6 ka mga bata.
Agi’g tubag, ang Presidente sa Brazil kay nagmando sa pagpadala sa Brazilian Air Force aron masiguro nga ang mga gipalagpot nga mga Brazilian moabut nga luwas ug adunay dignidad sa ilang katapusan nga destinasyon.
