CEBU – Gibutyag ni Ryan Benjamin Yu, ang presidente sa Cebu Integrated Transport Cooperative (CITRASCO), nga wala masulod sa hunahuna sa ilahang grupo nga mopahigayon og transport strike subay sa sunod-sunod nga pagsaka sa lana gumikan ang mga pasahero ra man gihapon , nga walay mga sala, ang maapektohan.
Apan, gi-angkon ni Yu nga bisan paman nga sakit sa ilahang buot o babag sa ilahang kabubut-on napugos kini sa pagsang-at og petisyon kabahin sa pagpasaka sa minimum nga pletehan.
Gumikan dili na kaya sa ubang driver ang galastohan sa presyo sa mga produktong petrolyo.
Gibutyag usab niini nga daghan na sa mga traditional jeepneys lakip na ang sa modern jeepney ang naglisud na sa pag-operate.
Daghan naman tuod ang katawhan nga mosakay gumikan gipaluagan na sa dakbayan ang restriksyon og gitugotan na ang 1–% full seating capacity apan di gihapon kini katugbang sa gastohan sa gasolina.
Gamay nalang usab sa mga pampasaheroang sakyanan ang nanagan dili tungod dili na ganahan modrive apan tungod sa rason nga dili na sila kabawi sa ilahang byahe.
Hangyo nalang ni Yu ug sa ubang transport groups sa gobyerno nga suspensuhon na ang excise tax o bisan dili lang kini hingpit nga isuspenso diin kuhaan lang kini og gamayng porsyento gumikan “by precentage base” man ang excise tac sa lana gumikan kung maus-usan kini og gamayng porsyento dako na kini og epekto nga matagamtaman sa katawhan.
Mapasalamaton usab kini sa gipagawas nga tag P6,000 nga subsidy bisan tuod wala pa ni maabot sa Sugbo apan giklaro niini nga dili gihapon kini paigo gumikan “one time” ra kini nga ihatag sa gobyerno ug dili usab tanan ang mahatagan sama sa naagian niini kaniadto nga daghan gihapon ang wala makadawat.
