Pagsaulog sa Pasko sa Bethlehem, nibalik na human sa 2 ka tuig

Gisaulog sa Bethlehem ang Pasko sa unang higayon sulod sa duha ka tuig.

Kung diin, nidagsa ang mga tawo ngadto sa gisigahan nga Christmas Tree sa Manger Square atubangan sa Church of Nativity sa Bethlehem.

Una na nga gisuspinde ang mga kasaulogan sulod sa kapin sa duha ka tuig human miulbo ang kagubot tungod sa gipakusog nga mga pag-atake sa Israel.

Ang Bethlehem usa ka lungsod sa Palestine sa habagatan sa Jerusalem ug usa ka dako nga pilgrimage destinatio alang sa mga Kristiyano.

Si Cardinal Pierbattista Pizzaballa ang nangulo sa misa alang sa mga Kristiyanong matinud-anon.

Ang pagbalik sa mga kasaulogan sa Bethlehem giisip nga usa ka maayong timaan sukad gilunsad sa US ang kasabutan sa ceasefire.