Giklaro ug gihatagan og katin-awan ni Dr. Salustiano Jimenez, ang Regional Director sa Department of Education Region-7, nga dili hugot nga ipatuman o dili mandatory ang pagsul-ob sa mga tinun-an og mga school uniforms.
Mao kini ang gikabutayag ni Dr. Salustiano Jimenez, ang Regional Director sa Department of Education Region-7, atol sa pakighinabi sa Bombo Radyo Cebu team, diin iyahang gihatagan og katin-awan ang tanan kabahin sa pagsul-ob og mga school uniforms.
Sumala niya, wala kini gipa-mandatory sa Department of Education, ilabi na sa Central Visayas, apan, kung ugaling buot sa mga ginikanan sa mga tinun-an mag uniform ang mga bata, mamahimo ra usab kini.
Nisugyot usab si Dr. Jimenez nga adunay mga Local Government Unit (LGU) ug Non-government Organizations (NGO)nga adunay kapasidad nga mohatag og mga assistance sa mga basic nga panginahanglan sa mga magtutungha sama sa uniforms, raincoats, school supplies, ug uban pa.
Ang tumong sa DepED nganung wala nila gi-mandatory ang pagsul-ob sa mga tinun-an og school uniforms, kay tungod nasayud sila nga adunay ubay ubay ka mga magtutungha ug ginikanan nga dili makayano og avail niini. | via Bombo Irene Ardiente
