CEBU – Nagpagawas ug Executive Order (EO) No. 16 si Cebu Provincial Governor Gwendolyn Garcia nga gitawag ug ‘Rationalizing the Wearing of Face Masks within Cebu’.
Subay niini kay dili na ‘required’ ang pagsul-ob ug face mask sa mga open spaces ug outdoor settings sa probinsiya sa Sugbo.
Apan nakalatid sa naasoy nga executive order nga ‘required’ sa gihapon ang pagsul-ob ug face mask sa mga ‘closed’ o air-conditioned spaces.
Bisan pa man niini, gitambagan sa gihapon sa provincial government ang publiko nga ipabilin ang pagsul-ob ug face mask ilabi na sa mga lugar nga adunay daghang tawo, ingon man kung adunay mga sintomas sa COVID-19 sama na lang sa hilanat, ubo, sip-on kung ugaling mutambong ug mga panagtapok o bisan asa nga adunay mga tawo.
Ang Cebu Province kay ubos sa gihapon sa Alert Level 2 hangtud sa June 15.
