CEBU CITY-Gitino ni Aquilino Quilinging Pimentel Jr. o mas giila nga si Nene Pimentel ang kanhi Senate president nga dili personal ang iyangh tinguha sa pagsuporta sa pederalismo.
Kini human nga na special mention si Pimentel sa SONA ni Presidente Rodrigo Duterte kagahapong adlawa diin nagpasalamat kini sa suporta ni Pimentel sa pederalismo. Sigon sa kanhi senate president nga kini para sa ikaayo sa katawhan ug dili para kaniya sanglit sita matud pa 84 anyos na ug tiguwang na.
Malipayon matud pa sni Pimentel nga kini namugna ug nanghinaot siya nga masabtan kini sa katawhan. Hinoon, dili man niya mapugos ang katawhan sanglit nakita man niini ang demokrasta nunot sa nagkalain-lain nga opinion apan tinguha nila nga masabtan na sa uban ang katuyu-an sa pederalismo.
Subay niini gipasabot ni Pimentel ang paagi sa pederalismo pinaagi sa pagtino nga ang sistema sa kasamtangan matud pa “very highly centralized” kung diin kung duna matud pay proyekto ang laing munisipalidad, kinahanglan pa nga aprobahan sa Manila kay naa man didto ang central office.
Kung mapatuman ang federalism mas dali nalang unya sa paghimo dayon og mga proyekto sa nagkalain-laing estado.
Subay niana gitino ni Pimentel nga dunay umulon nga equalization funds para maoy kuhaan sa pundo unya sa matag estado ubos sa federal government
