Gihimug-atan ni Victor Caindec, ang regional director sa Land Transportation Office (LTO-7) nga ang labing importante nga nahitabo sa issue ni alyas ‘boy wangwang’ mao ang nasilotan kini og mapakita sa katawhan nga dunay consequences ang iyang gibuhat.
Kini human sa mikatap nga taho nga dili matud pa mao ang gisurender ni Judiel Niño Cane alyas boy wangwang nga sakyanan.
Matud ni Caindec nga ang LTO-7 nagbuhat na og aksyon ug nagpasalamat pa sila sa pagsurender ni Cane gumikan kay mas napadali sa buhatan ang ilang trabaho sa pagsurender sa batan-on.
Gitino usab sa director nga ang ilang buhatan ang duna usab limitasyon ug basi sa mga kalapasan ni Cane, subay sa ilang pag-imbestigar, ila na usab nga napahamtang — pagamit og wangwang ug reckless driving gumikan kay nakamugan kini og kahasol sa karsada.
Dason ni Caindec nga boot lang matud pa sa mga nitezin nga i-link ang tanan sa pulitika mao nga ipamugos pa niini ang mismong sakay sa maong sakyanan nga gawas na sa imbestigasyon.
Hagit pa sa direktor sa mga nag-ingon nga dili mao ang sakyanan nga gisurender ug dili mao ang wangwang nga gisurrender, nga maghatag kanila og ebidenysa gawas sa video aron pangitaon kini sa LTO. (Fritzie Padla)
