CEBU CITY — Nahisubay sa Konstitusyon ang pagtudlo ni Presidente Rodrigo Duterte ngadto kang Diosdado Peralta isip bag-ung Chief Justice sa Supreme Court.
Gibutyag ni Ryan Maboloc, political analyst, nga nakalatid sa Batakang Balaud nga mandato sa presidente sa Pilipinas kung si kinsa ang itudlo niini isip Punong Mahistrado sa Korte Suprema.
Apan bisan pa man niini, gituhu-an ni Maboloc nga magpabiling independente ang ‘judiciary’, ingun man nga ‘objective’ kini sa ilahang mga desisyon.
Matud pa nga kaniadtu pang pagpalagput ni kanhi Presidente Ferdinand Marcos hangtud ning kasamtangan nga administrasyon, giingung nagpabilin sa gihapun ang integridad sa Korte Suprema.
Gihimug-atan ni Maboloc nga ‘haka-haka’ lang sa katawhan ug sa mga kritiko ang giingung nagpaluyo nga politika sa pagtudlo ni Duterte kang Chief Justice Peralta.
