Nagbaha ang mga pahasubo gikan sa publiko ug mga higala sa pamilyang Barretto human sa pagkamatay sa ilang inahan ug matriarch nga si Estrella “Inday” Barretto sa edad nga 89-anyos.
Gikumpirma sa iyang anak nga si Joaquin “JJ” Barretto ang masulob-on nga balita, uban ang mensahe sa pahasubo ug gugma.
Sumala ni Claudine Barretto, ang managsuon nagkahiusa sa pag-atiman kang Inday sa iyang katapusang mga bulan, bisan pa sa dugay na nga panag-away sa pamilya.
Daghang mga higala ang nagpaabot sa ilang mga pag-ampo ug pahasubo sa lainlaing mga paagi.
Inahan si Inday Barreto sa pito ka mga anak, lakip ang mga iladong aktres nga sila si Gretchen, Marjorie, ug Claudine Barretto.
Ang iyang pagkamatay nakahatag ug dakong kasubo sa pamilya ug sa publiko, labi na kay nailhan siya nga lig-on nga haligi sa usa sa labing inila nga pamilya sa showbiz.
Bisan pa sa mga kontrobersiya, gipasiugda sa pamilya nga niining panahon sa pagbangotan nga sila nagkahiusa.
