Gipasabot ni Defense Secretary Gilberto Teodoro nga dili angay butagan og lain-lain nga interpretasyon ang pakiglamano ni President Ferdinand Marcos Jr. kang Chinese President Xi Jinping atol sa Asia-Pacific Economic Cooperation (APEC) Summit nga gihimo sa South Korea.
Sumala sa kalihim, usa lamang kini ka personal gesture sa Presidente ug dili kini nagpasabot nga adunay kausaban sa polisiya sa seguridad sa administrasyong Marcos.
Iyang gipasiugda nga padayon ang tinguha sa Department of National Defense sa pagpanguna sa kalig-on ug proteksyon sa nasud, ug sa pagsunod sa mga lagda sa internasyonal nga balaod.
Nahitabo ang pakiglamano sa duha ka leader, samtang mitambong sila sa Asia-Pacific Economic Cooperation (Apec) summit nga gipahigayon sa South Korea.
