Pakistan ug Afghanistan, nagkauyon nga mag-ceasefire samtang gisaulog ang Eid al-Fitr

Nagkauyon ang Afghanistan ug Pakistan nga dili mohimo og bisan unsang pag-atake atol sa selebrasyon sa Eid al-Fitr.

Sumala sa Pakistani Information Minister nga si Attaullah Tarar, ang ceasefire magsugod gikan sa Huwebes hangtod Biyernes.

Ang maong lakang gibase usab sa hangyo sa Saudi Arabia, Qatar ug Turkey.

Dugang niya nga kalabot sa holiday, sila motubag sa kinasingkasing.

Bisan pa, nagpasidaan usab siya nga kung adunay pag-atake sa cross-border, pag-atake sa drone o bisan unsang uban pang pag-atake sa terorismo, dili sila magduha-duha sa pagbalos.

Kahinumduman nga giakusahan sa Afghanistan ang militar sa Pakistan nga mao ang nagpaluyo sa pagpatay sa gatusan ka mga tawo sa ilang mga airstrike sa Kabul.