Gisusi karon sa Malacañang ang taho kalabot sa giingong donasyon sa mga espiya sa China ngadto sa Philippine National Police (PNP).
Matud pa ni Palace Press Officer, USec Claire Castro, gusto sa Palasyo nga makita ang kinatibuk-ang detalye sa taho nga pipila ka grupo sa giingong mga Chinese spy ang giingong midonar og motorsiklo ngadto sa nasudnong kapolisan.
Buot mahibaw-an sa Palasyo kon ang maong donasyon gihimo ba sa maayong kabubut-on.
Dugang pa sa opisyal nga dili daotan ang pagdawat og donasyon kay matud pa niya ang mga ambulansya ang nadawat ni kanhi Davao City ug karon Bise Presidente Sara Duterte alang sa katawhan sa Davao sa panahon sa kataas sa Covid 19 pandemic.
Giklaro ni Castro, kung aduna pay laing rason sa pagdonar, kinahanglang imbestigahan kini aron dili na masubli ug aron usab walay ahensya sa gobyerno nga magamit alang sa interes sa pipila ka grupo.//
Gipasalig ni Castro nga dili mosugot si Pres. Marcos nga dili mahimo sa PNP ang ilang trabaho tungod lang kay adunay mga gitawag nga ‘padrino’.
Sa pagkakaron nagpahigayon og imbestigasyon ang PNP base sa direktiba ni PNP Chief Rommel Marbil.
