Nanawagan ang Presidente sa Palestine nga si Mahmoud Abbas alang sa hingpit nga pagtapos sa gubat sa Gaza.
Sa iyang mensahe sa video ngadto sa United Nations General Assembly (UNGA), siya nagkanayon nga importante nga magtinabangay ang mga nasud aron mahunong ang genocide sa Israel.
Dugang pa, nagpahinabo kini sa kagutom, pagkaguba ug pagkawala sa mga balay sa mga Palestinian sa Gaza.
Gitataw usab niini nga walay hustisya kung dili mahatagan og kalinaw ang mga Palestinian.
Dugang ni Abbas, andam siya nga makig-alayon sa US, Saudi Arabia, France ug UN aron ipatuman ang plano sa kalinaw sa Gaza.
Subay niini, sa niaging semana lang, ang 193 ka mga miyembro sa UN General Assembly ni-endorso sa pito ka pahina nga deklarasyon nga nagtumong nga adunay duha ka estado nga solusyon alang sa Israel ug sa mga Palestinian ug tapuson ang gubat tali sa Israel ug Hamas sa Gaza.
Kini aron pagklaro nga walay papel ang Hamas sa pamunoan diin ilang itugyan ang ilang mga armas ngadto sa mga awtoridad sa Palestinian.
Kahinumduman nga nagpadala lang og video message ang Palestinian leader human gibalibaran ni US President Donald Trump ang mga Palestinian leaders sa ilang US Visa nga makatambong sa tinuig nga UN summit sa New York.
