CEBU CITY-Giisip nga ‘challenge’ kun hagit sa Police Regional Office (PRO-7) ang gibuhiang pulong ni Presidente Rodrigo Duterte sa iyang speech kagabii atol sa League of Muncipalities of the Philippines nga matud pa ang mga PNP ug mismong ang PDEA sa Cebu mga ‘adik’.
Sa pakighinabi sa Bombo Radyo Cebu kang PSupt Reyman Tolentin ang tigpamaba sa PRO-7, giingon niini nga challenge kini kanila para tarungon ug pahugtan pa ang internal cleansing.
Sigon niini nga posible nga dunay grabe nga kasuko ang pangu sa mga nalambigit sa iligal nga droga ilabina nga ang uban niini dunay posisyon sa gobyerno hinungdan nga nakasulti kini nga halos tanan sa PNP mga adik.
Matud pa usab ni Tolentin nga gisuportaan nila ang kampanya batok droga sa presidente ug dili kini nila pwede nga komedyahan lang hayan ila kini karong seryosohon.
Dili usab makahatag og klarong tubag si Tolentin sa giingon ni Duterte nga hasta ang PDEA-7 mga adik.// Tino niini nga ang intel community lang ang makatubag niini ug wala pa silay clear information kalabot niini.
Samtang mipahinumdum si si Tolentin sa mga pulis nga nalambigit sa iligal nga drogas, nga mas maayong muhunong nalang sa iligal nga buhat.Wala pa tuod matud pa nila madakpan karon muabot ra gihapon ang panahon nga masikop kini.
