Pambato sa Pilipinas, nakadaog sa Miss Tourism Worldwide

Gikoronahan ang pambato sa Pilipinas nga si Anne De Mesa isip Miss Tourism Worldwide.

Atol sa coronation night nga gipahigayon sa Singapore, nakadaog usab siya og daghang special awards lakip ang Miss Celebrity, Best in National Costume, ug Best in Gown.

Miingon si De Mesa nga nag-ampo siya nga makuha ang korona, ug iyang gibati nga gibuhat niya ang tanan aron makadaog.

Ang kandidata sa Cameroon nahimutang isip first runner-up, samtang ang representante sa Estonia ang second runner-up.

Nahuman isip third runner-up ang contestant sa Belgium ug ang Thailand nakakuha sa fourth runner-up position.

Kini mao ang ikaduhang higayon nga nakadaog ang Pilipinas sa maong titulo, human sa unang kadaugan niadtong 2018 ni Zara Carbonell.