Napakyas nga makuha ang gikahinamhinam nga korona sa 72nd Miss World 2025 sa pambato sa Pilipinas nga si Krishnah Marie Gravidez sa coronation night niini sa HITEX Exhibition Centre sa Hyderabad, Telangana, India niadtong Sabado sa gabii, Mayo 31, 2025.
Usa si Gravidez nga nakatungtong sa Top 8 round sa maong pasundayag diin gibahin kini sa Continental Region diin ang nagtigi sa Miss World Asia and Oceania kay ang Pilipinas ug kandidata sa Thailand nga si Opal Suchata Chuangsri ang miabante sa Final 4 ug hingpit nga nakoronahan isip Miss World 2025.
Samtang nakuha ni Miss Ethiopia (Africa) Hasset Dereje Admassu ang 1st Runner-Up spot, Miss Poland (Europe) Maja Klajda sa 2nd Runner-Up, ug Miss Martinique (Americas and Carribean) Aurélie Joachim sa 3rd Runner-Up spot.
Apan bisan paman niini, ang dalagitang si Krishnah nga gikan sa Baguio City, Benguet kay nakabuhat og dakong garbo sa nasud diin sa iyang standout performance sa kompetisyon kay nakahatag og paglaum sa mga Pinoy beauty pageant fans.
Kahinumduman nag ulahing nakuha sa Pilipinas ang maong korona sa Miss World kay niadto pang 2013 diin si Megan Young ang pambato sa nasud.
