Pambato sa Ukraine sa high jump 2024 Olympics, nibuak og world record

Gipapas ni Ukrainian high jumper Yaroslava Mahuchikh ang usa ka world record nga wala’y laing nakabuak sulod sa 37 ka tuig.

Nakab-ot niini ang rekord sa pagtagbo sa Diamond League sa Paris, usa sa panguna ug katapusang mga torneyo sa wala pa ang 2024 Olympics.

Ang kanhing rekord sa high jump kay 2.09 meters ug nahimo kini ni Stefka Kostadinova sa Bulgaria niadtong 1987 sa Olympics sa Roma.

Apan, sa pasundayag ni Mahuchikh, nakakuha kini og 2.10 meters (6.88 p) sa maong torneyo.

Gumikan niini, ang babaye nga high jumper mao’y nakalangkat ug nakadala og gold medal sa umaabot nga Paris Olympics.