Pamilya ni Ate Gay, gipahibalo na ang detalye sa haya ug paglubong sa komedyante

Opisyal na nga gipahibalo sa pamilya sa mitaliwan nga komedyante nga si Ate Gay ang eskedyul sa iyang haya ug paglubong pinaagi sa iyang opisyal nga Facebook account.

Sumala sa pahibalo, ipahigayon ang haya ni Ate Gay sa Capilla Del Padre Jose Burgos, Forest Lake Memorial Premier Chapel sa Biñan, Laguna, gikan Nobyembre 4 hangtod Nobyembre 9.

Ang katapusang gabii sa iyang haya, uban ang usa ka espesyal nga tribute aron paghatag og pasidungog sa iyang kinabuhi ug mga nahimo, ipahigayon sa Nobyembre 9.

Samtang ang iyang paglubong nakaeskedyul sa Nobyembre 10.

Namatay si Ate Gay niadtong Nobyembre 1 human siya giatake sa stroke.

Nahibaloan usab nga nakigbisog siya batok sa Stage 4 cancer.