CEBU CITY-Gitino ni PRO-7 Regional Dir. PCSupt nga walay madawat nga benepisyo ang pamilya ni SPO1 Adonis Dumpit human sa iyang kamatayon.
Kini tungod kay legitimate man matud pa ang operation nga gipahigayon batok kaniya.Hinoon ang conversion sa mga leave ni Dumpit mao ray klaro nga madawat sa pamilya niini.
Samtang nasuta usab nga ang armas nga gigamit ni Dumpit atol sa hitabo nakarehistro sa panglan ni Outgoing Brgy. Tejero chiarman Jessielou Cadungog ug ang motor nga gamit niini nakarehistro usab sa pangalan nga Jed Danyo.
Samtang gitubag usab sa director ang issue human mikatap sa social media ang hulagaway sa patayng lawas ni Dumpit diin makita nga ang unang hulagway wala kini gigunitan nga armas apan sa sunod nga hulagway makita na nga aduna na kini gikuptan,kini matud pa walay problema ug legit nga naa armas si Dumpit atol sa operasyon.
Subay niini, wala usab did-i sa director nga mudu-aw ang mga PNP sa haya ni Dumpit dinhi sa Cebu apan gitino niini nga lauman nga dunay mukuha og mga hulagway niini sa rason nga wala niya gitino.
