Gipaambit ni Katherine Cheng, ang inahan sa mitaliwan nga si Kingston Cheng, ang iyang gibati ug ang baruganan sa ilang pamilya pinaagi sa usa ka public statement human sa trahedya nga nikalas sa iyang anak.
Nipagawas og emosyonal nga pamahayag si Cheng diin iyang gihulagway ang dili matukib nga kasakit ug ang dako nga haw-ang nga gibilin ni Kingston sa ilang panimalay.
Bisan pa man sa grabeng kaguol, nakahukom ang pamilya nga mopasaka og kaso aron mahatagan og pasidungog ang kinabuhi sa biktima ug aron dili masayang ang maong trahedya.
Tumong sa pamilya nga mahimong opisyal ang insidente aron wala na’y laing pamilya nga makasinati sa ilang giantos nga kasakit, samtang itugyan na nila ang kapalaran sa kaso ngadto sa kapulisan ug sa korte.
Nanghinaot usab ang inahan nga ang kamatayon ni Kingston magsilbing pahinumdom sa kapeligrohan sa “drunk driving” ug magsilbing “eye opener” sa mga otoridad aron mapalambo ang seguridad para sa usa ka limpyo ug luwas nga Sugbo.
Nagpasalamat usab siya sa dako nga suporta ug mga pag-ampo gikan sa publiko nga naghatag kanila og kahupayan niining malisod nga panahon.
Sa katapusan, iyang gihulagway si Kingston isip usa ka buotan, mahigugmaon, ug matinabangon nga anak ug igsoon nga magpabilin nga inspirasyon sa pagpuyo nga duna’y kaayo ug katuyoan.
