CEBU – Luwas ang pamilya ni pamilya ni Dauin Mayor Galic Truita human gihostage kaganihang alas 9:00 sa buntag sa ilang mismong panimalay sa Brgy. Masaplod Sur, Dauin, Negros Oriental, Agosto 27, 2022.
Natumbok nga mismong driver sa pamilya ang suspek nga si Venirando Dalope 57-anyos, separated, kasamtangang nagpuyo sa lungsod sa Siaton.
Samtang giila ang mga biktima nga sila Maricar Truita, asawa ni Mayor Galic Truita, Jemimie Truita, anak ni Mayor Galic Truita, Lisa Tuban, taga Brgy. Malungcay Dacu, Dauin, ug Maria Carmen Truita.
Nasayran nga nitawag sa kapulisan si Hon. Mayor Galicano Truita aron ipahibawo nga adunay nahitabong hostage taking sa iyang pinuy-anan.
Sa inisyal nga imbestigasyon, nasayran nga gi-hostage sa maong suspetsado kinsa armado og m16 rifle, 45cal pistol ug 9mm pistol ang mga biktima.
Hinuon, gikompirmar sa Dauin police nga luwas ra ang tanang mga biktima ug walay angol sa nahitabong insidente samtang nagpadayon pa ang gihimong imbestigasyon.
