Misamot nga nagkainitay sa dakbayan sa Laoag ang panagsungi sa mag-uyoan nga sila si 1st District Congressman Sandro Marcos ug sa iyang uyoan nga si Mayor Michael Marcos Keon.
Kini human gihimakak sa Mayor ang pasangil ni Cong. Marcos nga adunay gidudahang overprice sa trabaho
alternate road paingon sa gitukod nga mall sa Dakbayan sa Laoag.
Matod sa Mayor, walay anomaliya o overprice ang planong paghimo sa karsada tungod kay adunay paliton nga mga pribadong luna ug patukoran og dike, solar lights, underpass, ug palapdan ang tributary roads.
Dugang niya nga proposal lang kini ug nakig-estorya na siya kang Cong. Sandro niadtong Pebrero ning tuiga sa tigom sa tanang mayor sa unang distrito, mao nga natingala kini nganong nilabay ang walo ka buwan ug karon lang niya kini gikwestiyon.
Gitataw pa sa opisyal nga dili niya makurakot ang maong pundo tungod kay kon maaprobahan, ang Department of Public Works and Highways (DPWH) ug 1st District Office ang modumala sa maong pundo.
Ning bag-o lang, gibutyag ni Congressman Sandro Marcos nga dili mosuporta ang iyang uyoan ug uyoan sa pamilyang Marcos tungod kay giingong nasagmuyo ang pamilyang Marcos sa gipangayo nga pundo sa Mayor nga P500,000 million isip kabahin sa paghimo sa gobyerno sa dalan paingon sa mall.
Ang maong karsada gibanabana nga nagkinahanglan og 1 bilyon ka pesos nga pundo nga daw ipaambit sa mall ug sa gobyerno apan sa pagbanabana ni Cong. Marcos sa DPWH nibanabana nga 30 milyones lang ka pundo ang gikinahanglan alang sa maong karsada.
Kalabot niini, ikaduhang higayon na kini nga si Mayor Keon dili hingpit nga ig-agaw nila ni Pres. Bong Bong Marcos ug Sen Imee Marcos mosuporta niya sa iyang pagdagan pagka City Mayor.
