PROVINCE OF CEBU-Gibandera ang panaghiusa sa Sugbo ni Cebu Governador Gwendolyn Garcia atol sa iyahang State of the Province Address, diin atubangan sa mga dagkong opisyal, sa lokal ug sa nasudnong mga kagamhanan, ingon man usab sa mga negosyante, mga stakeholders sa mga pribadong sektor ug uban pa.
Gitataw ni Garcia nga lig-on ang probinsya sa Sugbo tungod nagkahiusa ang mga Sugboanon nga niresulta sa natagamtaman niini nga kalampusan ug kalamboan sa Probinsya sa Sugbo.
Kahinumduman, nga sukad nga nibalik kini sa katungdanan niadtong 2019, gipasiugdahan ni Garcia ang mga ‘landmark’ nga mga programa arun magpabilin nga labing adunahan ang Probinsya sa Sugbo.
Nasayran, nga nagpabiling ‘richest province’ sa tibuok nasud ang Probinsya sa Sugbo nga adunay kinatibuk-an nga 235.7 bilyon assets sa katapusang tuig 2022, kung itandi kini sa tuig 2021 nga anaa lang sa 215.27 bilyon assets ug ingon man sa pagsaka sa ‘internally generated revenues’ ngadto sa 45.01% bisan paman nga adunay ‘reduction’ sa ‘national tax allotment’ nga 14.5%.
Labaw sa tanan, niingon usab kini nga ang panaghiusa ang nagdala sa Sugbo hilabi na sa politikanhong kahulogan nga niresulta sa kasamtangang sitwasyon nga nagpakita sa kaanyag sa Sugbo.
