Gipahibalo sa Philippine Atmospheric, Geophysical and Astronomical Services Administration (PAGASA) Visayas Regional Services Division nga magpadayon pa ang panahon sa ting-init sa buwan sa Mayo ning kasamtangang tuig.
Matod pa niini nga human opisyal nga gideklarar sa ahensya ang pagtapos sa Northeast Monsoon o Hanging Amihan niadtong Marso 26 kay nagpasulabi na ang panahon sa ting-init.
Dugang pa nga walay gilauman ng musulod nga bagyo karong hinapos sa Abril hangtod sa buwan sa Mayo apan magpadayon ang mga isolated ug localized thunderstorms kasagarang asinati ma hapon o gabii.
Gani sa tibuok lalawigan sa Sugbo kay gipanglantawang mosaka pa ang heat index ngadto sa 43 hangtod sa 44 degrees Celsius nga anaa sa Extreme Caution o Danger Category.
Gipasabot sa PAGASA mga amg heat index kay nagdepende sa duha ka butang diin mao kini ang Air Temperature o temperature sa hangin ug Relative Humidity o moisture sa hangin nga hinungdan mas alimuot nga masinati nga panahon.
Tambag niini sa publiko nga moinom og daghang tubig, likayan ang mga physical activities gikan sa alas 10 sa buntag hangtod alas 4 sa hapon, magdala pirmi sa paying nga panabon sa hait nga init, ug magsul-ob sa hayahay nga sinina.
