CEBU – Gipahibaw ni Grace Luardo, ang pangu sa Cebu City Environmental Sanitation Enforcement Team (CESET), nga ubay ubay na ang na-isyuhan og warrant of arrest gumikan wala makabayad sa violations nga P500.00 human ma-isyuhan og citation tungod sa patakag panglabay sa basura.
Tino ni Luardo nga katong dili maka-apil sa community service gikinahanglan nga mobayad og P500 aron dili mafile-an og kaso.
Gipasabot usab ni Luardo nga lahi ang bayranan sa kalapasan sa pagpataka og labay sa basura ug pagpanigarilyo sa pampublikong lugar kini gumikan walay community service ang ihatag sa masakpang nanigarilyo sa pampublikong lugar diin pabayron lang kini og P2000 isip multa.
Nasayran nga katong mga indibidwal nga dili makabayad sa violation nga P500 mamahimong malutsan og warrant of arrest ug ikiha sa kagamhanan sa dakbayan sa Sugbo.
