CEBU CITY – Napkin ug dili fetus ang nakuha human nga gi-ukab ang inidoro sa usa sa mga CR sa Cebu South Bus Terminal (CSBT).
Kini subay sa taho nga dunay gi-flush nag fetus sa maong pansayan kagabii.
Una niini, nagkanayon si Joey Herrera ang manager sa CSBT nga ang usa ilang personnel ang nakita nga susamang dunay naka-ong-ong sa toilet bowl ug sa iyang pagtutok, nagtoo kini nga usa ka fetus.
Tungod niini, mitawag dayon ang maong personnel kang Herrera para mangutana sa iyang angayang buhaton.
Iya matud pa kini nga gimanduan nga magtawag ug pulis para sa saktong buhaton apan sa pag-abot sa mga pulis wala na makita ang nakaong-ong sa toilet bowl nga gitoohang fetus hinungdan nga gipaukab ang inidoro niini. Human nga naukab ang inidoro walay nakita ng fetus.
Nunot niini, gisusi usab ang CCTV footage sa pamasin nga mkita kung kinsa ang misulod sa pandayan gabii sa maong oras apan walay CCTV camera sa nahimutangan sa maong CR.
