Gikumpirma karon sa Presidential Anti-organized Crime Commission (PAOCC) nga adunay pipila ka mga langyaw nga namalit ug nag-abang og mga yuta sa pipila ka mga probinsya sa nasud.
Matod ni PAOCC USec. Gilbert Cruz, ila na nga giimbestigahan ang nasangpit nga insidente diin dili lang sa Palawan kini nahitabo kon dili lakip na sa ubang probinsya sama sa Nueva Ecija ug partikular na sa mga probinsiya nga nagprodyus og bugas.
Una nilang buhaton mao ang pag-abang sa yuta sa umahan sa tag P80,000 ngadto sa P100,000 matag ektarya.
Gipahibawo sa opisyal nga makontrolar na sa mga langyaw ang food security sa nasud tungod kay kon paabangan ang tanang humayan, sila ang mokontrol sa presyo sa bugas.
Samtang, ang anti-crime body sa gobyerno nakigtambayayong sa DA ug DILG kalabot niini nga isyu.
