CEBU – Giangkon ni Dennis Derige, ang tigpamaba sa Partidong Manggagawa, nga nasakyan na kini sa mga dili ‘marginalized’.
Matud pa, maayo man ang intensyon sa partylist system apan giingong sukad sa ruling sa Supreme Court, unom katuig na ang nakalabay, nga nagtugot sa mga dili ‘marginalized sector’ sa pagtukod ug partylist, hinungdan nga daghan na kini ug buslot.
Sugyot ni Derige nga mas maayong usbon ug dili lang kini tangtangon gumikan kay gipadayag niini nga mas daghan pang nahimong balaud ang mga partylist, itandi sa mga district representatives.
Gihimug-atan usab niini nga susamang wala makasabot si Presidente Rodrigo Duterte sa pamahayag nga kinahanglan nang tangtangon ang partylist system sa nasud gumikan kay gisakyan na kini sa mga elitista.
Nagkanayon kini nga kinahanglan ang maong sistema arun nga adunay tingog sa gobyerno ang matag sektor.
