CEBU CITY-Pasagdan nalang matud pa nga ang lantugi ni Presidente Rodrigo Duterte ug Vice President Leni Robredo sa hisgutanan sa war on drugs.
Kini ang pamahayag sa political analyst ug UP, Diliman Professor nga si Dr. Clarita Carlos sa dihang nahinabi sa Bombo Radyo Cebu. Matud ni Carlos nga wala siya nasayod sa “inside story” apan sa iyang tan-aw, puros nalang hagitay ang nahitabo.
Tino pa ni Carlos nga duna matud pay “pikonan all around” sa paglingkod ni Leni isip ICAD Co-chairman.
Gi-dare usab matud pa sa bise presidente si Duterte nga tangtangaon nalang siya sa pwesto hayan gibuhat usab sa pangu.
“Whole Community Effort”
Nagtoo si Dr. Clarita Carlos usa ka political analyst ug UP, Diliman Professor nga dili mamahimong dali ang pagsulbad sa problema sa iligal nga drogas sa Pilipinas tungod kay lawom kaayo niini.
Angayan gyud unta matud pa nga nagkahi-usa ang tanang Drug Enforcement Agencies ug ingon man pokosan ang medical health issue. Butang nga iya unta nga gilauman nga mahimo ni VP Leni apan gitangtang naman kini sa ICAD.
Gihimug-atan sa political analyst nga whole community effort ang kinahanglan usab sa kampanya bato drogas ilabina ang mga pamilya nga sagad karon nagkatibu-agsa na.
Apan gitino usab sa bise presidente nga bisan og adunay community effort apan walay suporta gikan mismo sa pamilya, dili gihapon masulbad ang problema sa mga “young addicts”
