JAPAN- Gikagobtan karun sa Japan ang laing experience sa pagsakay ug train gumikan kay kasagaran usa ka malinawon ug paspas ang mga bullet train nga mo dagan sa pipila lang ka minute paingun sa imung destinasyon.
Apan, niining panahona kauban sa pagbyahe sa mga pasahero ang zombie nga nakahatag og kahadlok ingun man kakulba ug kalisang sa mga pasahero.
Matud pa sa mga organizer niini kini subay sa pagsaulog sa Halloween diin gisaysay nga gusto nilang usbon ang malinayon nga pagsakay sa train ngadto sa makahadlok nga expirence.
Sakay sa usa ka chartered nga sakyanan sa shinkansen ang Japanese nga pulong alang sa bullet train adunay mga 40 ka thrill-seekers, ang andam nga niatubang sa engkwentro sa mga zombie gikan sa Tokyo ug sa kasadpang metropolis sa Osaka.
Dugang niini nga ang makahahadlok nga kasinatian gikan sa hit 2016 South Korean action-horror movie nga “Train to Busan”, diin ang usa ka amahan ug anak nga babaye natanggong sa usa ka naglihok nga tren nga nakig-away sa mga zombie nga gigutom sa unod sa tawo.
Bisan paman ug dili kini tinuod nga zombie apan wala hingpugngi ang pagpangurog sa pipila ka pasahero gumikan sa kahadlok.
